7-Eleven聯乘伊藤久右衛門 推3款抹茶麵包蛋糕

黛安係綠茶控，最近聽公關姊妹講，7-Eleven再次帶來多種抹茶麵包同蛋糕，肯定可以為味蕾帶來新刺激！今次佢同擁有超過185年歷史嘅伊藤久右衛門聯乘合作，首次喺香港推出以宇治抹茶為主題嘅麵包同蛋糕，包括7-SIGNATURE x伊藤久右衛門抹茶蜜瓜包、抹茶忌廉包及抹茶長崎蛋糕。

今次嘅抹茶糕點嚴選日本宇治優質茶園嘅茶葉，茶葉採摘後即日蒸，生產清爽馥郁嘅綠茶。師傅再將茶葉研磨成粉，再加入麵粉製成宇治抹茶麵粉，入口散發抹茶獨有茶香，口感層次豐富，而且3款麵包及蛋糕只售$12，黛安決定放工即刻去7-Eleven入貨。