【聲明】港生活網站並無進行電話推廣活動

黛安
黛安

將軍澳TKO Spot及Spot Mart新登場 定位健康與文化

發佈時間: 2020/03/20

領展近年不斷努力翻新旗下商場,仲落咗唔少心思令商場煥然一新。就好似將軍澳TKO Spot及Spot Mart,最近就以嶄新面貌同街坊見面,成為區內唯一以健康生活及文化作定位嘅商場及街市。黛安素來鍾意行靚靚商場,今次一定唔會錯過啦。

黛安去過TKO Spot,見到場內設有全港最大運動用品店DECATHLON,佔地36,000平方呎,提供過萬種「抵買」運動及服裝用品。除咗各類運動用品外,店舖更設有特色戶外運動體驗區,顧客購物前可率先體驗運動產品,提升購物體驗。最難得係店內不定時推出體育活動及訓練班,仲有專業運動大使駐場,為客人提供運動知識及分享心得,認真貼心。

另外,位於TKO Spot天台嘅籃球場已重投服務,住喺附近嘅街坊不妨去全新籃球場一展身手。

同場鮮活街市則命名為Spot Mart,優化後帶來更舒適及衞生嘅購物環境,引入多達50個檔戶,提供新鮮進口食材及特色小食;街市裝潢亦別具一格,用色鮮明,既通透又富層次感。領展仲請來本地新晉插畫家Vivian Ho,繪出以Spot Mart新鮮食材及運動用品為主題嘅街市壁畫,將場內新鮮及活力感覺呈現。今個周末去將軍澳時,不妨去TKO Spot及Spot Mart逛逛,仲可以同特色壁畫自拍㖭。

TKO Spot商場設特色戶外運動體驗區,讓顧客可率先體驗運動產品 。

撰文: 黛安 消息特靈八卦公關
欄名: 八卦名利場