【聲明】港生活網站並無進行電話推廣活動

黛安
黛安

循道小學生自製歌曲 為大家打打氣

發佈時間: 2020/03/20

雖然依家全港學校要停課抗疫,但同學仔都不忘學習!循道學校一向致力為學生建立富啟發性、創造性嘅學習文化,黛安聽聞7個讀緊循道學校嘅小學生,包括楊月朗、岑愷晴、歐陽正、簡詠詩、侯恩霖、侯銘恩和李匡立,最近喺一星期內創作咗一首歌《歌唱‧愛的力量》(Sing & Be Strong),希望幫大家打氣。

因學校停課,佢哋要各自喺屋企隔空合作完成今次作品,用咗一星期完成作曲、填詞同唱奏,仲要錄製埋影片,真係唔簡單。黛安最鍾意呢幾句︰「齊齊唱唱唱!跟我打打氣!齊來互勉互愛開心歡笑,以愛心取替愁和怨,以愛來互引牽!」填詞功力同成首歌嘅旋律認真唔錯。

佢哋錄製影片時,仲加埋自製嘅心意卡,邊聽歌邊睇住佢哋嘅打氣句子,成個人都充滿正能量!淨係聽都知成個製作過程用咗好多心機,黛安覺得呢班小朋友好有心思。有興趣捧場嘅朋友,不妨到呢個網址聽下:https://youtu.be/jIhHLnkRono。

撰文: 黛安 消息特靈八卦公關
欄名: 八卦名利場