【聲明】港生活網站並無進行電話推廣活動

黛安
黛安

美心集團 贈5,000名基層學童餐券

發佈時間: 2020/03/20

疫情持續,各大中小學復課無期,唔少小朋友都要留喺屋企,除咗感到苦悶,原先有在校膳食津貼嘅基層學童,佢哋嘅膳食費用負擔亦大大提高。黛安知道,美心集團最近就印咗2.5萬張、總值超過$100萬嘅MX套餐券,透過惜食堂捐畀受影響嘅學童同家庭,預計有5,000名基層學童受惠,真係好有心!

公關姊妹話,美心集團早前已捐贈10萬個口罩同40,000張套餐券畀惜食堂,派畀有需要長者,現再進一步擴大受惠社群,為基層學童提供套餐券。志峰係其中一個受惠基層學童,佢媽媽話早前停課期間,自己都只能煮啲簡單嘅餸菜畀志峰食,今次獲得MX套餐券,除咗可以減輕購買食材上嘅負擔外,囝囝都特別開心,仲話終於可以同媽媽一齊食焗豬扒飯㖭!

撰文: 黛安 消息特靈八卦公關
欄名: 八卦名利場