抵食全新7仔早餐組合$12起！

正所謂一日之計在於晨，早餐對黛安嚟講絕對係展開新一天嘅重頭戲！黛安收到風，7-Eleven即日起將推出3款全新日式早餐組合，價錢由$12起，有嘢食、有嘢飲，仲要每款食物都有獨立包裝兼香港製造，選擇又多又抵食！

公關姊妹同黛安報料，今次7仔推出3款全新早餐組合夠晒豐富，好似有$12嘅「朝氣麵包套餐」、$16嘅「朝日飯糰套餐」，同$24嘅「朝食三文治套餐」等。仲有多款飲品選擇，其中提供6款口味嘅7-SIGNATURE和風の味三文治，除咗有雙重芝士火腿、吉列蝦餅拼蛋沙律等口味外，仲有全新嘅黑松露濃厚滑蛋三文治，今次係嚴選產自意大利嘅黑松露醬，再拌勻於濃厚日本滑蛋中，兼採用100%日本麵粉製造，夠晒鬆軟綿綿。

如果想揀輕食，亦可選擇$12嘅「朝氣麵包套餐」，有7款香港新鮮製造嘅人氣麵包，採用氣調包裝（MAP）技術，確保產品內餡保持新鮮，亦可防止壓扁。