【聲明】港生活網站並無進行電話推廣活動

黛安
黛安

鴻福堂贈清肺解毒飲 助市民保肺抗炎

發佈時間: 2020/03/23

疫症當前人人自危,除咗戴口罩、勤洗手外,提升抵抗力都好重要!黛安聽公關姊妹講,鴻福堂最近推出咗一款「清肺解毒飲」,當中用咗13種清熱解毒嘅純天然中草藥熬製而成,飲完可以化痰止咳。佢哋嚟緊仲會免費派發100萬枝,同大家一齊保肺抗炎!

公關姊妹話喺中醫角度,新型冠狀病毒係「濕毒疫癘之氣」,所謂「陰平陽秘」,當清熱解毒、有正氣,就可以抵抗外邪,而「清肺解毒飲」就以清熱解毒同清理肺部濁氣為基調,配以提氣升陽同化痰止咳配方,如果有咳、燥熱等徵狀就更啱飲。

鴻福堂嚟緊會向會員、醫護人員同社福機構等免費派發「清肺解毒飲」,明天(24日)至本周五(27日),佢哋分別會到葵芳、中環、觀塘等指定地區派發,詳情可留意佢哋Facebook。

撰文: 黛安 消息特靈八卦公關
欄名: 八卦名利場