【聲明】港生活網站並無進行電話推廣活動

黛安
黛安

養和堂下周送涼茶券 助港人提升免疫力

發佈時間: 2020/03/27

除咗要齊心抗疫、注重個人衞生外,更要增強抵抗力!黛安收到風,本地涼茶館老字號「養和堂」下星期一(30日)同星期二(31日),將舉行「疫境自強街站送券」活動,到時會喺九龍同新界3個地點免費派發涼茶券,以實際行動為香港人加油!

公關姊妹話,希望藉今次活動,可以引起更多人關注抗疫同健康嘅重要性。今次送出嘅涼茶有好多款,包括針對流感嘅抗疫茶、提升免疫力嘅潤肺化痰靈芝羅漢果茶等,全部喺香港自設廠房炮製,日日新鮮,絕無防腐劑㗎。

黛安平日都經常飲涼茶,今次活動梗係唔會錯過啦!下星期一(30日)下午1點,大家可以喺觀塘駿業街空地,又或同日下午3點半喺旺角朗豪坊對出空地攞番張免費涼茶券!否則下星期二(31日)下午3點,喺屯門大會堂對出空地都有得免費派發,派完即止;最新消息可以留意養和堂facebook專頁。

撰文: 黛安 消息特靈八卦公關
欄名: 八卦名利場