【聲明】港生活網站並無進行電話推廣活動

黛安
黛安

海洋公園發放動物大使短片 齊心抗疫

發佈時間: 2020/04/03

海洋公園發放動物大使短片 齊心抗疫

海洋公園自今年1月下旬起,因受疫情影響而暫停開放,黛安好掛住園內嘅動物。公關姊妹報料,原來海洋公園喺休園期間除進行徹底清潔外,亦好細心照顧各種動物大使,獸醫更為佢哋進行額外檢測,而家仲有網上短片可睇。

公關姊妹話,園內獸醫及動物護理員為部分動物大使進行嘅額外身體檢測,包括每日為雀鳥進行護理檢查;因鳥類嘅呼吸道較易受感染,企鵝護理員每日餵飼時,就會加入獸醫建議嘅維他命或營養補充品。至於人見人愛嘅海豹,每日除咗量體溫外,亦會幫佢哋刷牙同做口腔檢查。而水豚護理員就會定期為佢哋抽血作檢測。一系列嘅抗疫同動物護理程序,海洋公園都拍咗短片,近日仲上載咗至facebook及YouTube頻道,等大家喺屋企亦可以睇下呢班動物大使,同佢哋一齊抗疫!

海洋公園發放動物大使短片 齊心抗疫

護理員每日為海豹量體溫,亦會為牠們刷牙及檢查口腔,保持口腔衞生。

海洋公園發放動物大使短片 齊心抗疫

企鵝護理員每日餵飼時,會加入獸醫建議嘅維他命或營養補充品,並特別留意佢哋嘅呼吸同心跳。

撰文: 黛安 消息特靈八卦公關
欄名: 八卦名利場