啟發孩子潛能 名人「童」你講故事

最近大人同小朋友都要一齊留喺屋企抗疫，其實喺屋企一樣可以做到趣味學習㗎。黛安知道，新世界集團旗下K11製作咗一系列「Donut讀好書--名人『童』你講故事節目」，請來城中名人同你講故事，一齊為大家打打氣！

聽公關姐妹講，K11希望以香港原創角色和原創品牌Donut & Ah Meow，啟發孩子潛能，所以早前製作咗Donut讀好書--名人「童」你講故事系列，邀請咗8位來自唔同界別嘅城中名人，包括資深傳媒工作者陳志雲、著名電視及電台節目主持人阮小儀和彭晴、著名現任及前新聞主播方健儀、伍家謙、林小珍、李臻和鄭萃雯，同Donut & Ah Meow分享由圖書合作夥伴新雅文化所提供嘅兒童叢書，共12集短片故事，包括4大主題，例如科學、天文知識等嘅童書。

名人「童」你講故事首播已經出咗街喇，但錯過咗都唔緊要，由即日起至5月12日，每逢星期二、四都可以喺YouTube睇到，相信大家睇完之後，都可以好似Donut咁充滿正能量啊！