7-11新甜品只售$10 吉士泡芙、朱古力脆脆忌廉班戟必試之選

享受甜品嘅時間永遠最開心，黛安聽公關姊妹講，7-Eleven今期推出一系列日意美食，由早、午、下午茶都可以滿足到你嘅口味需求，包括7-SELECT迷你吉士泡芙、朱古力脆脆忌廉班戟，一定要試！

黛安最鍾意係7-SELECT迷你吉士泡芙，外皮軟熟帶有蛋香嘅泡芙，再加入口感細滑嘅吉士忌廉，而且一口一粒，非常方便。仲有7-SELECT朱古力脆脆忌廉班戟，選用蛋味香濃嘅班戟皮，包住濃郁嘅朱古力脆脆和朱古力醬，再伴上牛奶忌廉，絕對可以融化甜品控嘅心，兩款甜品都只售$10。

另外，7-SIGNATURE仲推出鴨肉蕃茄醬意粉同全新嘅蒜香三文魚飯糰，分別只售$20和$10，啱晒忙碌嘅香港人啊。