【聲明】港生活網站並無進行電話推廣活動

黛安
黛安

滙豐Reward+程式 新增飛行里數兌換功能

發佈時間: 2020/05/19

滙豐Reward+程式 新增飛行里數兌換功能

無論購物或繳費,用信用卡簽帳都有着數。黛安收到風,即日起滙豐個人信用卡嘅持卡人,可以透過滙豐Reward+流動應用程式免費將「獎賞錢」兌換為飛行里數,慳番$300飛行優惠計劃年費!透過「獎賞錢」兌換平台,仲可以換到更多全新禮品同禮券㖭。

滙豐Reward+喺2018年年初推出,公關姊妹話,客戶想兌換飛行里數嘅步驟好簡單,只需喺與個人的飛行里數帳戶連接1次,驗證後便可隨時將「獎賞錢」轉換為飛行里數。而滙豐卓越理財信用卡持卡人亦可透過滙豐Reward+,申請將「獎賞錢」兌換至Executive Club英航會員俱樂部的Avios積分,或新航獎勵計劃嘅里數。兌換禮品同購物禮券嘅選擇亦好多,唔使致電客戶服務熱綫,透過兌換平台都可以換到。

滙豐香港區財富管理及個人銀行業務信用卡及私人貸款主管甘家儀話,客戶透過滙豐Reward+可與親友分享「獎賞錢」,加上新增嘅換領功能,令換領獎賞更輕而易舉。

撰文: 黛安 消息特靈八卦公關
欄名: 八卦名利場