【聲明】港生活網站並無進行電話推廣活動

黛安
黛安

叉燒薑蓉切雞飯味薯片 卡樂B打造本土情懷雙拼

發佈時間: 2020/05/19

叉燒薑蓉切雞飯味薯片 卡樂B打造本土情懷雙拼

卡樂B薯片多年來紮根香港,經常推出新口味,佢哋繼去年炮製地道口味「深井燒鵝味薯片」同「細蓉味薯片」受粉絲熱捧後,最近新推出「叉燒飯味薯片」及「薑蓉切雞飯味薯片」,充滿香港情懷。

黛安聽公關姊妹講,「叉燒飯味薯片」食落散發炭火燒烤嘅焦香,重現經典「插燒」方式燒烤豬肉而成嘅滋味,加上鹹中帶甜嘅蜜味醬汁,肉香交織着淡淡蜜糖香氣,絕對係黯然叉燒飯嘅驚喜之作!

另一款「薑蓉切雞飯味薯片」同樣帶着鮮香雞味,配上超像真嘅薑蓉味道,相信會成為唔少薯片狂迷嘅至愛味道。兩款新薯片都係由香港工場新鮮生產,免除空運同船運嘅延緩,等大家可以品嘗到最新鮮製造嘅薯片,新產品喺今個月下旬就會喺各大超市、便利店同零售店發售喇,「薯片控」一定唔好錯過,黛安都要去買幾包試下先!

撰文: 黛安 消息特靈八卦公關
欄名: 八卦名利場