新城市廣場推感謝祭2020 有逾萬件低至$1、$10同$100筍貨

經濟環境唔好，使錢就要更加精明！黛安收到風，新城市廣場嘅年度購物「折」慶「JUST BUY WEEKS感謝祭2020」開幕在即前，佢哋聽日（21日）起至6月29日將首度推出「Jetso eShop」網上購券平台，顧客可用5折搶購場內近百間商戶嘅電子現金券，現金券可同感謝祭期間參與嘅商店優惠同步使用，勁抵呀！

公關姊妹話，今次感謝祭將與一田購物優惠日同步登場，喺下星期四（28日）至6月30日，聯同場內商戶推出震撼超抵價優惠，除咗有逾萬件低至$1、$10同$100筍貨，仲有低至2折發售嘅人氣王牌產品、餐飲套餐，及總值800萬元「至尊福袋」等住賞，可免費換購Dyson Supersonic風筒等潮物！購物後仲可賺取20%回贈，有多款場內店舖$500元禮券任揀等着數，大家唔好錯過啦！