皇玥餅食100%香港製造 逆市開3店

疫情下唔少商戶都陷入經營困難，不過，黛安就聽到一個令人振奮嘅好消息，就係主打「香港製造」餅食嘅皇玥，今個月喺中環、旺角同元朗區加開3間門市，逆市大擴張，更方便大家去選購佢哋嘅王牌餅食。

皇玥喺2019年開設首間門市後，最近增設3間分店，目前門市已增加至5間。皇玥創辦人及行政總裁嚴運波博士同黛安分享，話雖然本港市道仍受疫情衝擊，但係蛋卷、蝴蝶酥、脆曲奇、月餅等一直都係港人鍾情嘅餅食，加上皇玥一向選用優質食材同嚴謹嘅烘焗工藝，仲係100%香港製造，相信能吸引客人支持。

嚴博士話，佢對香港嘅餅食零售市場好有信心，所以皇玥已計劃陸續加開更多門市，亦會推出更多產品，呢段時間唔單只唔會裁員、員工唔會放無薪假，仲希望能帶動更多就業機會㖭。