MegaBox激安感謝祭 過萬件產品低至1折發售

近排香港疫情漸趨緩和，唔少商戶都推出優惠吸客。黛安好耐無去掃貨，剛收到公關姊妹通知，MegaBox即日起會舉辦「1折激安感謝祭」活動，過萬件電子產品、傢俬、美食等以低至1折限量發售，折扣總值超過$500萬。

今次「感謝祭」由即日起至7月5日舉行，好多優惠都十分吸引，好似原價$299嘅雅蘭床褥3D舒適枕，以特價1折$29發售，限售10件；仲有原價$20,910嘅茲曼尼半真皮雙電動彈鉸3座位梳化、原價$2,320嘅德國寶自家製雪糕機等等，全部都以1折發售！另外，仲有低至$8嘅Mega Ice溜冰入場券、$24.8歎會所1號波士頓龍蝦等，數量有限，真係要早啲去搶先得！

此外，會員只要消費滿指定金額，仲可以參加「Mega Club繽紛夏日大抽獎」，豐富獎品總值超過$15萬，有機會贏走「尊貴大獎」iPhone 11 Pro加AEON $2萬現金券㗎！