四個ＫＰＩ 一矢中的

上星期二甫回到公司，老闆便問我︰「『保就業』申請得未？即刻check下！」政府第二輪防疫抗疫基金推出的「保就業計劃」，早前開始接受申請，為期三星期，首日申請反應熱烈。

申請網站介面設計簡潔清晰，驟眼睇與誠哥上年推出的「應急錢」申請網站類同，咁奇怪！同事八卦哥話今次「保就業」網上申請背後的班底正正是誠哥「應急錢」當時的組合︰羅兵咸永道及「生活易」。今次政府都識貨，識得照跟！申請人只需10分鐘左右便可以填妥網上申請，方便快捷！

「應急錢」於上年12月順利完成，短時間內發放總額10.09億元予4個行業、共逾2.8萬家。誠哥出晒名做嘢快及準，一係唔做，一做就要做到最好。當時誠哥決定派錢時，便明確下達了4個ＫＰＩ︰避免政治抹黑、60日內派完10億、公平公正，用科技解燃眉之急及信任香港人，申請過程精簡。

有人問︰「4個ＫＰＩ入面無提過margin of error喎？」誠哥話可以接受５％的margin of error，而最後派錢結果並沒有甚麼出錯，行政費亦少於100萬元。

八卦哥更透露，誠哥當時仲同團隊講，做不到以上的ＫＰＩ會有「後果」，希望不是減人工吧！一笑！

（本欄逢周一刊登）