【聲明】港生活網站並無進行電話推廣活動

沈桃
沈桃

四個KPI 一矢中的

發佈時間: 2020/06/01

四個KPI 一矢中的

上星期二甫回到公司,老闆便問我︰「『保就業』申請得未?即刻check下!」政府第二輪防疫抗疫基金推出的「保就業計劃」,早前開始接受申請,為期三星期,首日申請反應熱烈。

申請網站介面設計簡潔清晰,驟眼睇與誠哥上年推出的「應急錢」申請網站類同,咁奇怪!同事八卦哥話今次「保就業」網上申請背後的班底正正是誠哥「應急錢」當時的組合︰羅兵咸永道及「生活易」。今次政府都識貨,識得照跟!申請人只需10分鐘左右便可以填妥網上申請,方便快捷!

「應急錢」於上年12月順利完成,短時間內發放總額10.09億元予4個行業、共逾2.8萬家。誠哥出晒名做嘢快及準,一係唔做,一做就要做到最好。當時誠哥決定派錢時,便明確下達了4個KPI︰避免政治抹黑、60日內派完10億、公平公正,用科技解燃眉之急及信任香港人,申請過程精簡。

有人問︰「4個KPI入面無提過margin of error喎?」誠哥話可以接受5%的margin of error,而最後派錢結果並沒有甚麼出錯,行政費亦少於100萬元。

八卦哥更透露,誠哥當時仲同團隊講,做不到以上的KPI會有「後果」,希望不是減人工吧!一笑!

(本欄逢周一刊登)

撰文: 沈桃 好飲好食好奇之穿花蝴蝶
欄名: 中環蝴蝶