陳禮恒
陳禮恒

Duffy的新朋友

發佈時間: 2020/06/26

Duffy的新朋友

香港兩大主題樂園已重新開放,並需透過網上系統預約入場,以便控制人流,加強防疫措施,但完全無減園內歡樂氣氛,感覺更加同聲同氣。

迪士尼重開後,走到美國小鎮大街,迎面是全新的「奇妙夢想城堡」,已接近竣工,兩旁店內亦發現很多新品,大多因疫情已延遲上架,其中有隻「青BB」新角色,原來是Duffy的新朋友小海龜Olu Mel,造型趣致,最叻彈夏威夷小結他Ukulele。

每次Duffy認識新朋友,都有一段小故事,今次講米奇與Duffy出海,打算為ShellieMay預備生日禮物,途中被快樂悅耳的音樂吸引着,正是小海龜Olu在彈奏Ukulele,Duffy認為這就是最好的生日禮物,於是邀請Olu成為ShellieMay生日會上的表演嘉賓。不過,其實Olu早於18年7月登場,但只在夏威夷的迪士尼度假村出現,直至現在才「遠渡重洋」進駐香港迪士尼。

記憶中,以烏龜作為卡通人物並不常見,《功夫熊貓》有武功超強的烏龜大師,還有麥兜的同學仔阿輝,阿輝在《麥兜.菠蘿油王子》負責送外賣「情迷海龜pizza」,還叫麥兜不要再偷食蟹柳,淡然一句︰「唔好食啦,再食個客知㗎喇!」每次睇都覺得好好笑。(本欄逢周五刊登)

撰文: 陳禮恒 從生活享受電影,從電影感受生活。
欄名: 晴感戲