麥當勞「足金巨無霸」 贈工作30年職員

巨無霸大家食得多，但「足金巨無霸」又見過未？黛安知道，香港麥當勞早前舉辦People Day 2020，透過多個獎項表揚同肯定僱員嘅努力同付出，29個服務咗30年嘅僱員仲獲頒足金巨無霸㖭！

因應疫情關係，麥當勞今年嘅People Day頒獎禮改以fb直播進行，為100名工作咗10年以上嘅前綫同後勤僱員獲頒長期服務獎，包括29名獲頒足金巨無霸嘅得獎員工，當中有4位已服務咗35年喇。

香港麥當勞行政總裁黎韋詩喺典禮上勉勵員工，佢話有賴大家努力，香港麥當勞先可以喺香港紮根45年，將優質服務帶畀顧客，即使疫情影響咗公司營運情況，但相信本住「以人為本」嘅核心價值，大家仍然可以迎難而上，大放正能量！