幾時移民上火星？

上期講到天象嘅奧妙神秘，今期繼續一齊去探秘。

喺小說或戲劇中，我哋時時都有機會睇到古代高人通過「夜觀天象」來預知未來（尤其是軍國大事）。而觀測天象的知識基本都是被官方壟斷的。歷朝歷代都明令禁止民間私習天文，尤其在立國之初，禁令更嚴，是為了防止觀天之術洩露到民間。

中國古人認為，天能影響人事、預示災祥，而人的行為也能感應上天--當然，這裏的人主要是指受天命、治天下者，而不是普通老百姓。佢哋好勁，就咁睇啲星象，就可以預測到皇帝幾時死。你唔好話迷信，就算係耶穌出世，東方三博士都要追隨粒特別嘅星，去到馬槽搵到剛出生嘅耶穌，證明天象真係預言好多重大嘅事情畀人知，問題係我哋get唔get到，又或者係信唔信。

萬有引力，都喺四方八面影響我們嘅生活，宇宙間星體運行規律有一股神奇力量；它雖然看不見、摸不着，但我哋卻能時刻感受到佢嘅存在。當有特別嘅恒星逆行或太接近地球時，分分鐘地面上會發生大災難，例如地震或海嘯等。

地球已經畀人類破壞到千瘡百孔，大家都喺度估計個地球仲可以畀我哋人類住多幾耐？而科學家都不停尋找一個適合人類居住嘅新星球。

地球並不會長久存在，同時佢自身亦有壽命，所以綜合各種因素，人類遲早有一日都要離開地球，前往其他星球生活。

從目前地球的環境嚟睇，呢幾年科學家都將目光放喺火星上，可能大家都會認為火星好似好熱，點住呀？上星期，新聞影到火星竟然成個都被綠光圍住。原來火星上都存在一定量的氧氣，氧氣在光的照射之下，產生出一定波長的光，所以顯示為綠色。唔知在我有生之年，有無機會上火星呢？

（本欄逢周四刊登）