【聲明】港生活網站並無進行電話推廣活動

黛安
黛安

恒生捐$1000萬 支持「友伴童恒」學童支援計劃

發佈時間: 2020/07/28

恒生捐$1000萬 支持「友伴童恒」學童支援計劃

唔少基層市民喺疫情下手停口停,屋企小朋友都受到影響。黛安知道,恒生銀行為咗令學生重拾自信,為未來復課時及下學年作好準備,最近捐咗$1,000萬,支持聖雅各福群會同7間社會服務機構與14間小學合作推出嘅「友伴童恒」學童支援計劃,將有逾3,500名基層學生同家庭可以受惠。

黛安了解過,「友伴童恒」學童支援計劃喺6月開始,係為一班正接受相關機構服務嘅基層學生、家庭,以及參與學校提供額外學習支援,包括網上學習資源、託管服務及情緒心理支援等,現時計劃已延長服務至今年12月。

聖雅各福群會總幹事李玉芝同黛安分享,希望同恒生合作為學童提供學習或情緒支援,紓緩佢哋嘅學習壓力。恒生銀行副董事長兼行政總裁鄭慧敏就話,恒生亦希望藉動員恒生同聖雅各福群會合辦嘅「I am…」網上青年職學平台嘅年輕參加者同恒生員工,共同為年輕人出一分力。

撰文: 黛安 消息特靈八卦公關
欄名: 八卦名利場