煤氣推網上烹飪班 隔住個Mon學煮食

現時疫情嚴重，連去街市買餸都唔太安全，黛安覺得煤氣烹飪中心好體貼，佢哋特別開辦咗多個網上烹飪班，最新升級版網上烹飪班，加入將優質新鮮嘅實習菜式材料速遞上門，等大家可以邊睇直播教學、邊學煮，仲可以即時向導師提問㖭。

公關姊妹話，煤氣烹飪中心除咗傳統實體班外，亦推出多元教學模式如網上烹飪班，導師所教嘅菜式好多元化，例如資深導師Lilian就會教煮秘製豬腳薑醋，其他視頻課程仲會教人煮京都肉排同鮮茄芝士薄餅等。如果有興趣學煮嘢食，可登入www.towngascooking.com或致電2576 1535查詢。