【聲明】港生活網站並無進行電話推廣活動

黛安
黛安

麥炸雞配車打芝士醬 韓風滋味十足

發佈時間: 2020/07/29

麥炸雞配車打芝士醬 韓風滋味十足

抗疫期間,喺屋企食住炸雞睇韓劇就最開心喇!黛安八卦到,麥當勞聽日起為大家帶來全新麥炸雞專屬滋味醬「車打芝士醬」,配上熱辣辣嘅麥炸雞,十足韓風滋味啊!

公關姊妹話,今次麥當勞推出嘅全新車打芝士醬,濃香芝士加上香脆嫩滑嘅麥炸雞,香脆外皮被濃濃嘅醬汁包裹着,咬一啖就感受到脆卜卜外層同嫩滑多汁嘅雞肉,口感一流。聽日起只要買2件芝士醬麥炸雞,即可享用1包車打芝士醬;如果買芝士醬麥炸雞分享桶(6件),就會有3包車打芝士醬。

此外,2款麥樂雞滋味醬即日起接力登場,其中一款係惹味濃郁嘅星洲咖喱醬,辣中混合花生濃香,啖啖東南亞風味;另一款係味道清新嘅香草檸檬醬;加埋早前出咗嘅蜜糖芥末醬同韓式辛辣醬,一共有4款特色滋味供大家選擇,鍾意嘗新嘅你又點可以錯過!

撰文: 黛安 消息特靈八卦公關
欄名: 八卦名利場