【聲明】港生活網站並無進行電話推廣活動

黛安
黛安

買榮華月餅做善事 每盒捐$40畀基層學校

發佈時間: 2020/08/03

買榮華月餅做善事 每盒捐$40畀基層學校

買月餅又可以做善事,呢個idea唔錯喎!黛安講緊嘅,係非牟利機構「伙伴教育基金會」今年同香港榮華餅家首次合辦月餅義賣活動,即日起至9月1日,市民可以喺指定網站或透過全港多間學校家教會,用優惠價錢訂購2款香港榮華餅家月餅券,分別係今年限量別注版「榮華x B. Duck小黃鴨流沙奶黃月餅」,同埋人氣「榮華雪彩繽紛冰皮月餅」。基金會賣出每張月餅券會捐出$40畀基層學校或家長教師會,希望可以舉辦更多開闊學生視野嘅活動,同鼓勵學生喺日常生活中要多關懷社群,好有意義啊。

公關姊妹介紹,今年榮華x B. Duck小黃鴨流沙奶黃月餅,附送印有可愛B. Duck小黃鴨圖案嘅保溫袋。1盒4個印有B. Duck樣嘅月餅,可愛得嚟仲充滿香濃鹹蛋黃香味,本身標準價$278一盒,依家籌款價$178就可以買到。而榮華雪彩繽紛冰皮月餅,入面有9個冰皮月餅,共5款口味,加埋外盒獨有嘅「牡丹花」圖案,係著名設計師靳埭強同劉小康設計,極具古典美,原本每盒標準價$299,依家只需$177就買到。買月餅應節之餘又可以做善事,一舉多得啊。

撰文: 黛安 消息特靈八卦公關
欄名: 八卦名利場