黛安
黛安

認捐$20百佳食材 惜食堂幫你製成飯餐助基層

發佈時間: 2020/08/05

認捐$20百佳食材 惜食堂幫你製成飯餐助基層

疫情令唔少打工仔失去飯碗,好多基層需要有心人施以援手。黛安聽聞百佳超市再度同惜食堂合作,即日起展開第7屆「全城傳愛齊捐食」食物籌集活動,大家只要用$20認捐每周指定食材,就可以為有需要人士送上溫飽。

由即日至本月31日,期間一連4個禮拜,大家只需要喺百佳及旗下品牌全港200多間門市及百佳網店,認捐共4款價值$20一份的每周指定食材,就可以支持惜食堂製作飯餐;而百佳收集捐贈後會以成本價,提供及運送食材予惜食堂。

百佳超市董事總經理任良安話,百佳希望以龐大嘅店舖網絡及豐富資源,以溫暖飯餐支持弱勢社群。惜食堂創辦人董愛麗就話,感謝百佳特意挑選4款日常用量極高或較難收集嘅米、雞蛋、豆腐及魚類,有助紓緩有需要人士嘅困境。

撰文: 黛安 消息特靈八卦公關
欄名: 八卦名利場