太古坊召集上班族展音樂才華 與星級歌手同場演唱

音樂可以鼓舞人心，仲可以為生活注入正能量。公關姊妹同黛安報料，太古坊嘅Project After 6︰The Pitch 2020正式回歸，首度以網上遴選，招募具音樂才華嘅上班族報名。即日起至本月23日，大家上載一條不多於2分鐘嘅音樂表演短片到太古坊網站，就有機會登上舞台公開演出喇。

今年入圍嘅演出者將喺太古坊7,000平方呎、設有專業舞台嘅多用途藝術空間ArtisTree表演，更有機會與李幸倪（Gin）、RubberBand同鄧小巧等星級歌手同台獻技。今年9月21日至30日太古坊就會舉辦8場免費午間音樂會，希望以音樂激勵大家。

有興趣報名嘅朋友可單獨或組隊參與，每隊不多於6人。專業評判將按短片選出40隊表演隊伍，喺9月4日或之前公布，瀏覽詳情可【按此】。