惠康捐10萬張餐券 支援弱勢社群度疫境

近半年黛安收到唔少好消息，就係企業善長為弱勢社群提供支援，大家共度疫境。好似惠康繼早前捐出逾1萬份社區愛心包後，又將捐贈10萬張餐券給社會上有需要人士，包括低收入家庭、失業人士及長者等，真係好有心。今次惠康同香港社會服務聯會及HandsOn HongKong（牽手‧香港）合作，喺多個地區為有需要市民送餐券，憑券可到任何一間7-Eleven換領餐盒，同時可減省基層市民留喺街上長時間輪候，減少受感染風險。

黛安聽牛奶公司北亞區及集團便利店業務行政總裁朱秉志先生分享，佢話集團服務香港逾一個世紀，希望在這個困難時刻為社會作出更多回饋。佢仲話期望通過惠康及7-Eleven資源同網絡，向有需要人士提供援助，相信通過社會各界努力，可以克服今次挑戰。黛安都要向牛奶公司集團嘅愛心構思畀個like呀。