【聲明】港生活網站並無進行電話推廣活動

黛安
黛安

屈臣氏「全球微笑計劃」 推廣快樂文化

發佈時間: 2020/09/10

屈臣氏「全球微笑計劃」 推廣快樂文化

笑得多,心情都靚啲。黛安知道,屈臣氏集團之前做咗一個全球健康調查,喺歐亞共10個市場訪問咗5,500位顧客,有91%受訪者都認同微笑可以為健康帶來好多益處,其中3成人自覺笑得唔夠,9成人仲話生活壓力令佢哋好難展現歡顏。公關姊妹話,下年就係屈臣氏集團成立180周年,集團今年特別發起「全球微笑計劃」,目標係想每位顧客可以由心而發咁微笑。呢個計劃仲會推展至集團全球25個營運市場、12個品牌旗下共15,800多家店舖㖭。

姊妹話,今次舉辦呢個全球微笑計劃就係希望喺全球推廣快樂文化,鼓勵顧客同員工保持健康積極嘅生活態度,提高大眾對精神健康嘅認識同關注。集團仲委任咗13名首席微笑專員,佢哋嘅使命就係為集團旗下商店嘅顧客帶來微笑。黛安希望大家都笑多啲,咁樣先夠健康㗎。

撰文: 黛安 消息特靈八卦公關
欄名: 八卦名利場