【聲明】港生活網站並無進行電話推廣活動

黛安
黛安

愉景新城「玩具.模型購物節」 齊集多個系列動漫角色

發佈時間: 2020/09/15

愉景新城「玩具.模型購物節」 齊集多個系列動漫角色

無論大人定小朋友,都有自己心愛嘅玩具,一見到佢哋就會好開心。黛安收到風,D‧PARK愉景新城即日起至10月4日會舉行「玩具‧模型購物節」,除咗齊集30個人氣玩具系列、超過700種周邊商品之外,仲有2米高嘅人氣RX-78-2高達,威猛登場,好吸引呀!

聽公關姊妹介紹,今次係近5年嚟繼動漫節之外,最大型、最多玩具同模型陣容嘅活動,場內集齊一系列受歡迎嘅動漫角色,例如高達、迪士尼朋友、Hello Kitty同多啦A夢等等,佢哋都會驚喜亮相,畀大家打卡影靚相㗎!

另外,喺「玩具‧模型購物節」期間限定店有超過700件搶手玩具、模型同人氣卡通都買得到,包括高達、龍珠、蒙面超人時王、麵包超人等;而D‧PARK網上商店亦會同步登場,就算足不出戶都可以買到心頭好。

此外,期間限定店亦有多款超抵返學裝備,部分更低至$5震撼價發售!而D‧PARK愉景新城亦會同慈善機構關愛同行合作設玩具回收捐贈行動,將二手玩具轉贈畀基層兒童,既環保又可以將快樂延續,可謂一舉兩得!

愉景新城「玩具.模型購物節」 齊集多個系列動漫角色

妮妮與沙奈等嘅打卡位,超可愛!

撰文: 黛安 消息特靈八卦公關
欄名: 八卦名利場