【聲明】港生活網站並無進行電話推廣活動

黛安
黛安

圓方秋日多重賞 半價食飯購物賞不停

發佈時間: 2020/09/17

圓方秋日多重賞 半價食飯購物賞不停

日本人叫秋天為「食欲之秋」,黛安覺得秋天都係「購物之秋」。趁住要換秋裝時機,不妨去Elements圓方逛逛。事關Elements圓方今期推出「秋日多重獎賞」,由即日起至10月15日,逢星期一至四傍晚6點後光顧指定餐飲商戶,並以電子貨幣消費滿$500,即送$250餐飲現金券,等於幫你畀咗一半飯錢!

食完飯再買下嘢,獎賞更多。公關姊妹同黛安講,幫襯指定零售商戶,以電子貨幣消費滿$8,800,即可享總值$1,800獎賞,有現金券、電影禮券同商戶禮券,種類夠晒多元化。而且多買多賞,如果消費滿$2.8萬,可享$4,000獎賞;消費滿$6萬,更可享$1萬獎賞,等姊妹們「更新衣櫥」都可以無後顧之憂呀。同期買埋珠寶配飾,用電子貨幣消費滿$10萬,一樣可以享總值$5萬現金券同商戶禮券回贈。

黛安知道,今次回贈嘅現金券適用於商場內過百間商戶,範圍由餐飲、購物、美容及護理、珠寶及配飾等都有,一定滿足到大家嘅購物慾啦。

圓方秋日多重賞 半價食飯購物賞不停

秋天想換新裝、歎美食,不妨去Elements圓方逛逛。

撰文: 黛安 消息特靈八卦公關
欄名: 八卦名利場