【聲明】港生活網站並無進行電話推廣活動

黛安
黛安

新城市廣場STEAM親子學堂 設兩大「童」你玩樂專區

發佈時間: 2020/09/21

新城市廣場STEAM親子學堂 設兩大「童」你玩樂專區

好多父母都望子成龍、望女成鳳,喺玩樂之中學習當然就更易入腦啦!黛安知道,沙田新城市廣場最近將商場變身成「New Town Kidz Academy」親子學堂STEAM主題專區,仲融入神秘宇宙元素,以飛船、火箭、星雲等遨遊太空嘅夢幻主題為設計概念,配合唔同嘅活動,一齊放入閱讀閣同數碼互動區,希望可以為小朋友帶來科學同創意啟蒙。

黛安八卦到,今次親子學堂主要分為兩大「童」你玩樂專區,好似「童」你穿「閱」科學時光機咁,網羅多款涉獵科學探索、情緒認知嘅童書繪本同玩具,仲參考咗由英國歷史最悠久國家科學權威、英國皇家協會傑出科學家成員為青少年選出嘅好書推介,內容由太空、恐龍、野生動物,以至機械工程等應有盡有,猶如漫遊科學探索嘅時光隧道,等大家可以窺探科學嘅演進過程。

另外,仲有「一飛沖天」數碼藝術互動區,可以畀小朋友盡情發揮小小宇宙嘅色彩,小朋友可以將獨一無二嘅想法喺平板電腦上盡情發揮,仲可以將畫作由2D平面,躍動至大屏幕上變成動畫「貼堂」,兼變成3D立體小模型帶返屋企,好有成功感㗎。

撰文: 黛安 消息特靈八卦公關
欄名: 八卦名利場