支持奧比斯世界視覺日 捐款贈小熊襟章

奧比斯對救助視障人士一向不遺餘力，10月8日係「世界視覺日」，黛安知道佢哋即將舉行「奧比斯世界視覺日2020」籌款活動，期望大家可以慷慨解囊支持，令奧比斯團隊能堅持落去，為更多病人打開希望之窗。

過去大半年，新冠肺炎疫情肆虐全球，不過就算面對感染風險，奧比斯醫療團隊仍努力進行緊急援助，真係令人敬佩。公關姊妹同黛安講，為咗減低醫護感染機會，奧比斯上半年透過網上教學平台Cybersite，針對清潔同消毒程序作高規格嘅指導。現時只要捐款支持「奧比斯世界視覺日」，就可獲贈奧比斯小熊Seymour襟章一枚（2款隨機送一款）；如果捐款$1,000或以上，更可獲贈限量版襟章套裝1套，內有包括特別版等3款襟章，大家記得多多支持喇。