恒隆60周年 建專頁搜羅集團有趣故仔

由於疫情關係，呢大半年好多活動都由綫下改為綫上進行，黛安聽公關姊妹講，連恒隆集團60周年嘅慶祝活動都唔例外。雖然今年因為疫情同限聚令措施等因素，而唔可以搞人群聚集嘅大型慶祝活動，但係恒隆都特別為集團成立60周年而建立咗一個誌慶專頁：http://www.hanglung.com/zh-HK/about-us/anniversary-landing-page，其中喺「恒隆人與事」嘅欄目，仲搜羅咗唔少有趣又鮮為人知嘅故仔，黛安睇到津津有味，趁依家大部分時間都留喺屋企，大家不妨上呢個專頁睇下。

公關姊妹仲話，恒隆管理層為咗同員工一齊慶祝，就由今年起增設「集團成立紀念日假期」，全體同事由今年開始，每年可以額外享有多一日有薪假期，絕對係疫情之中為大家帶嚟正能量嘅大禮！