【聲明】港生活網站並無進行電話推廣活動

黛安
黛安

黃金海岸「放天燈」商場中庭燈海璀璨慶中秋

發佈時間: 2020/09/23

黃金海岸「放天燈」商場中庭燈海璀璨慶中秋

黛安每次去台灣都會去放下天燈許願,可惜今年因疫情關係而未能成行。好彩日前收到公關姊妹報料,話黃金海岸都有得「放天燈」!原來今個中秋,黃金海岸商場會喺中庭擺放3.5米高嘅巨型天燈,利用多塊鏡折射近百個七彩LED燈泡發出嘅光芒,營造多個天燈同時升起嘅璀璨燈海,去打卡影相一流呀。

公關姊妹仲話,喺現場打卡並將相片上傳到facebook或Instagram,有機會贏取黃金海岸商場美食券,但係手快有手慢無㗎,活動由即日起至10月11日。另外,商場仲會提供小型天燈紙模,只要喺屋企打印出嚟就可以帶埋去影相。若然覺得喺屋企放天燈唔夠節日氣氛,商場喺今個星期六(26日)起亦會喺facebook搞猜燈謎活動,鼓勵大家動動腦筋,一齊拆解趣味網上謎語。

黃金海岸「放天燈」商場中庭燈海璀璨慶中秋

走進燈海,會見到好似有幾百個天燈同時升起咁靚。

黃金海岸「放天燈」商場中庭燈海璀璨慶中秋

商會仲會提供小型天燈紙模,畀大家試下自製天燈。

撰文: 黛安 消息特靈八卦公關
欄名: 八卦名利場