7-Eleven推限量版毛巾 Snoopy粉絲必搶購

最近天氣不似預期，時晴時雨，黛安聽公關姊妹講，7-Eleven同《花生漫畫PEANUTS》、「niko and...」合作，推出以「HAPPINESS IS...」為主題，獨家聯乘系列嘅2套限量版「吸水快乾毛巾+多用途小袋」，無論去健身房、去沙灘同露營都啱用。

呢2套限量版「吸水快乾毛巾+多用途小袋」，分別有Snoopy和Charlie Brown嘅剪影透明小袋，搭配以醒目紅色或黃色做主調嘅輕巧毛巾。長條形毛巾設計掛於肩上非常方便，而且物料吸水快乾，最啱帶去健身房、郊遊、去沙灘、游水或露營時用。透明小袋又可以將毛巾摺疊後收納，或者用來放飾物、信用卡等，一物多用。依家yuu會員可限時優先換購，今日最後1日喇，以6,000 yuu積分加$6，隨機換購1套。如果儲印花換購，就由9月30日至10月30日，儲齊5張印花加$38，就可以隨機換購1套喇。印花派發期由即日起至10月27日，買滿$20就有1張印花，其後每$10可獲多1張印花，餘此類推。