倪晨曦(Elva)懷孕8個多月,但仍未停工安胎,依然很勤力工作,日前她在YouTube頻道邀請了兩子之母的陳凱琳(Grace)上她的節目「媽媽學前班」,齊齊交流烹飪兼育兒心得。陳凱琳分享了她湊1歲半大仔Rafa及兩個月大的細仔Yannick的點滴,還有老公鄭嘉穎的暖爸行為。
【靚靚港姐冠軍】陳凱琳自爆下巴長甫相要P圖 網友激讚性格貼地無偶像包袱 詳情即睇:【下一頁】
(圖片:倪晨曦IG)
(圖片:倪晨曦IG)
陳凱琳之前佗細仔,保密功夫做到足,6個月先公開,她在節目解釋是擔心公開會備受關注:「一旦公開,啲人會觀察我平時做啲咩,我係不停食啲唔應該食嘅嘢,所以覺得越拖得遲公布會比較好。佗BB個人越佗越熱,間中都想飲杯珍珠奶茶凍嘢,但可能會俾人影到。」她又形容懷孕過程辛苦,並說:「佗兩個仔都全程嘔,又試過腳抽筋,所以叫我再生第3個,會好抗拒,唔想再經歷。」
(圖片:陳凱琳IG)
(圖片:陳凱琳IG)
她又提到曾為餵母乳感到壓力,仲試過失眠瞓唔到:「第一胎奶上得幾好都算多,都有啲存貨,人就好衰會懶叻,以為放心覺得無問題。點知第二次反而少,都好大壓力,有幾晚因為呢樣嘢唔瞓。我上網搵到間歇性泵奶,10分鐘泵一次休息,泵咗成晚,搞到第二日頭痛,為咗泵多啲。之後同我老公傾,佢就話有就有,無就無,唔使咁緊張,佢係好鼓勵我,relax咗之後就有返。」
(圖片:陳凱琳IG)
(圖片:陳凱琳IG)
另外陳凱琳表示湊兩個仔太忙,不想忽略照顧他們,所以暫時不打算再拍劇,她又分享懷孕期間,鄭嘉穎為她做過的感動窩心事,她說:「佢係好傳統的family man,覺得人生最幸福就係有一個家庭,我哋結婚後好快就計劃生小朋友。我第一次懷孕時,佢知道後比我仲開心,又好照顧我。自從有小朋友,佢嘅表情同對人嘅態度都唔同晒,變咗一個暖男。」陳凱琳希望倪晨曦呢胎係生女,笑言為兩個子打好關係,將來就可以做親家啦。
(圖片:陳凱琳IG)
撰文:羅慧怡
責任編輯:楊安莉