【聲明】港生活網站並無進行電話推廣活動

黛安
黛安

存保計劃3D動畫片 增市民對存款保障認知

發佈時間: 2020/10/09

存保計劃3D動畫片 增市民對存款保障認知

農曆新年時,小朋友都會收到好多利市錢。黛安知道唔少家長都會叫仔女將利市錢儲起,希望從小培養佢哋嘅理財習慣。最近香港存款保障委員會(存保會)就推出咗一套全新3D動畫宣傳片,傳遞「有存款,就有保障」嘅信息。

黛安睇過段宣傳片,兩個卡通人物相當可愛,有錢幣造形嘅「阿存」同豬仔錢罌嘅「阿保」,分別代表存款同埋保障。阿存、阿保會喺30秒內遇上人生唔同嘅挑戰,但阿存同阿保會一齊克服難關,用生動活潑嘅動畫帶出「存款保障」嘅信息,等大家對存保計劃嘅保障更有信心。

香港存款保障委員會主席許敬文教授MH分享,喺經濟環境不明朗、虛假消息容易流傳嘅情況下,市民對銀行存款嘅安全更為重視,而存保會作為「存款守護者」嘅角色極為重要,所以要加強宣傳同社區教育,增加市民對存保計劃嘅認知同了解。黛安都將宣傳片分享咗畀公關姊妹睇,佢哋話睇完覺得踏實咗,可以好好咁教仔女理財技巧。

想睇宣傳影片可以【按此】瀏覽。

存保計劃3D動畫片 增市民對存款保障認知

存保會推出動畫宣傳片,希望市民對存保計劃保障更有信心。

撰文: 黛安 消息特靈八卦公關
欄名: 八卦名利場