【聲明】港生活網站並無進行電話推廣活動

黛安
黛安

百佳推$3200萬「誠心賞你」大抽獎 毋須消費都可贏現金券

發佈時間: 2020/10/12

百佳推$3200萬「誠心賞你」大抽獎 毋須消費都可贏現金券

百佳回饋又嚟喇!黛安收到風,百佳超市繼早前宣布嘅現金食物券計劃後,將再推出「誠心賞你」大抽獎,大家毋須專登去百佳消費,由今日起至下個星期日(18日),只要上網或用電話做個簡單登記,即有機會贏走$100超市現金券,同埋「1分鐘掃貨」等獎品,總值超過$3,200萬㗎!

公關姊妹話,參加抽獎嘅登記方式好簡單,只要填寫有效香港手提電話號碼、出生月份同日期,連姓名同身份證號碼都唔使畀已可參與,獎品仲好豐富㖭,當中包括超過31萬個名額嘅$100百佳現金券「全城獎」;二獎係$100百佳現金券和「獨家為您賞禮品套裝」,名額都有3,000個;頭獎更有10個「1分鐘免費掃貨」名額,合共有32萬名得獎者,中獎者隨時係你呀!

今日下午1點開始登記喇,只要上百佳活動網站【按此】瀏覽或致電活動熱綫3699 8822(共300條綫)登記,即可參加抽獎,大家千祈唔好錯過呀。

百佳推$3200萬「誠心賞你」大抽獎 毋須消費都可贏現金券

百佳「誠心賞你」大抽獎總共有32萬名得獎者,大家記得去登記抽獎喇。

撰文: 黛安 消息特靈八卦公關
欄名: 八卦名利場