【聲明】港生活網站並無進行電話推廣活動

黛安
黛安

信和「精神健康月」 多項活動助員工放鬆身心

發佈時間: 2020/10/14

信和「精神健康月」 多項活動助員工放鬆身心

疫情期間相信大家嘅精神壓力都有增加,黛安聽公關姊妹講,向來重視員工身心健康嘅信和集團,將10月定為「精神健康月」,舉辦咗連串活動推廣健康生活,包括香薰治療紓壓工作坊、大笑瑜伽網上講座等等,仲有「疫情下的開心時刻」攝影分享,希望可以提升員工身心健康,尋回笑容。

公關姊妹話,信和集團相信鼓勵同事成為「開心員工」,從而成就「快樂顧客」。上星期六(10日)係「世界精神衞生日」,集團特別響應舉辦咗一系列活動等員工可以放鬆身心。其實由去年12月起,信和除咗邀請專家顧問主持有關壓力管理嘅研討會,仲特別舉辦伸展瑜伽和風景繪畫等網上課程,又推出綠色綜合計劃「一喜種田」等,等同事們可以親近大自然,喺6個都市農莊享受下耕作帶來嘅放鬆同治癒能力。

撰文: 黛安 消息特靈八卦公關
欄名: 八卦名利場