【聲明】港生活網站並無進行電話推廣活動

黛安
黛安

太古集團慈善基金「全麵關心你」 配對捐贈麵食支援社區

發佈時間: 2020/10/16

太古集團慈善基金「全麵關心你」 配對捐贈麵食支援社區

近來黛安多咗喺屋企下廚,有時忙起嚟煮個麵就當一餐。聽公關姊妹講,最近太古地產聯同太古集團慈善信託基金,推出咗「全麵關心你」$50配對捐助計劃,凡購買一盒麵,太古基金就配對捐出一盒送畀社區,推廣「惜食就要一齊食」共享精神。

姊妹話,呢個計劃獲太古城中心商場租戶APITA大力支持,提供3款日、韓同越南風味麵條,即日起喺網上公開義賣,今日起至11月1日,太古城中心2樓東橋仲設有期間限定「全麵關心你」義賣專櫃,每盒麵售$50,隨盒附送由太古酒店星級廚師設計嘅食譜,好正㗎!

今次活動嘅受惠機構包括香港基督教女青年會、香港盲人輔導會同香港聾人福利促進會,配對捐贈嘅麵會由呢3個機構分發畀屬下服務單位會員。派麵畀社區時,仲會加送1個「婦女展才‧可重用口罩」,幫受助者加強抗疫㖭。計劃咁有意義,大家快啲上網訂購啦,【按此】瀏覽。

撰文: 黛安 消息特靈八卦公關
欄名: 八卦名利場