【聲明】港生活網站並無進行電話推廣活動

黛安
黛安

恒隆抗疫基金推《重新@武漢》短片 佘詩曼真情演繹為武漢加油

發佈時間: 2020/11/16

恒隆抗疫基金推《重新@武漢》短片 佘詩曼真情演繹為武漢加油

黛安最近發現,久未喺香港露面嘅佘詩曼,最近拍咗一條發放正能量嘅短片,仲可以喺YouTube免費睇。

經過黛安明查暗訪,先知道原來呢條名為《擁抱武漢--佘詩曼篇》嘅短片,係由「恒隆抗疫基金」同武漢共青團武漢市委員會攜手製作,係《重新@武漢》短片系列其中一個篇章,主要講述佘詩曼聽到武漢封城嘅消息後,喺香港為武漢送上祝福嘅真人真事。

恒隆公關姊妹透露,抗疫基金推出《重新@武漢》短片系列,主要想為疫後復甦嘅武漢加油,以正面信息鼓勵大家積極重拾生活,一齊迎接美好明天,同時帶出武漢恒隆廣場團隊正全情投入,為項目喺下年初開幕做好準備。系列嘅其他篇章包括《風味重新--外賣小哥》、《面貌重新--旅居人篇》同《點亮重新--長江二橋燈光控制師篇》,全部已上載至「恒隆地產YouTube頻道」(【按此】瀏覽),大家可以隨時上去睇片,兼且訂閱頻道。

話時話,恒隆地產喺今年2月撥款$1,000萬成立「恒隆抗疫基金」,基金成立後曾捐助武漢雷神山醫院,又為香港同內地有需要人士提供抗疫包、食物包、其他配套支援等,而家仲拍埋片為大家喺疫情之中打氣,認真唔話得呀!

撰文: 黛安 消息特靈八卦公關
欄名: 八卦名利場