【聲明】港生活網站並無進行電話推廣活動

黛安
黛安

港鐵商場多獎賞 聖誕送禮開心慳荷包 新地推廣荃葵青區內遊 消費送餐飲券

發佈時間: 2020/11/18

港鐵商場多獎賞 聖誕送禮開心慳荷包 新地推廣荃葵青區內遊 消費送餐飲券

最近黛安都諗緊點樣送聖誕禮物送得開心,又唔會令荷包大出血。公關姊妹知道後,二話不說就推介咗一系列商場優惠畀黛安慢慢揀!姊妹話,只要係MTR Mobile App登記用戶,即日起至明年1月3日,喺港鐵旗下嘅德福廣場、青衣城及PopCorn,於指定商戶如運動用品店等,累積消費滿$1,800,即送$200港鐵商場現金禮券,包括$100時裝和美容類別,及$100鐘錶等類別。

姊妹仲好貼心咁提醒黛安,如果想慳得更多,就要等到今個月23日至明年1月10日,用指定Citi信用卡喺上述3個商場,以及The LOHAS康城消費累積淨額簽帳滿$1,500或以上,即可獲港鐵商場$50現金禮券,每人每日最高可獲高達$300港鐵商場現金禮券㗎!不過所有禮券都係數量有限,換完即止,所以要快啲去掃貨先得。

除咗上述幾個商場外,黛安知道,新鴻基地產為推廣荃葵青區內遊,由今個月25日至12月1日,只要喺荃灣、葵涌和青衣區內任何一間實體零售或餐飲商戶,單日以信用卡消費滿$800而每張單據滿$100,就可以喺今個月25日至12月13日期間,去到新都會廣場或荃灣廣場,出示有關發票換領兩大商場各1張價值$20嘅餐飲贈券,贈券適用於兩大商場逾30間食肆,名額有限,餐飲贈券總數共1萬份,手快有手慢無㗎!

港鐵商場多獎賞 聖誕送禮開心慳荷包 新地推廣荃葵青區內遊 消費送餐飲券

葵芳新都會廣場聯乘荃灣廣場推「荃葵青尊享消費賞」,振興荃葵青區經濟。

撰文: 黛安 消息特靈八卦公關
欄名: 八卦名利場