【聲明】港生活網站並無進行電話推廣活動

黛安
黛安

美酒佳餚巡禮開啟網上大師班 廖碧兒分享經營酒業心得

發佈時間: 2020/11/18

美酒佳餚巡禮開啟網上大師班 廖碧兒分享經營酒業心得

一連5星期嘅香港美酒佳餚巡禮進入第2周,今年巡禮嘅「綫上+綫下」活動,包括飲、食、玩等豐富內容,搜羅全港逾500間餐廳優惠,活動舉行至下月15日,就算大家留喺屋企或相約親友開派對,都選擇多多。好似原價$2,086一套7支嘅君蒂莫斯卡托氣泡酒,活動優惠價只售$968,真係好抵!

另外,一連3個星期嘅網上大師班,由今個星期六、日(21至22日)正式開始,下一輪(11月28至29日)嘅10個大師班,食材或品酒套裝即日已開售。其中身兼演員及釀酒師嘅廖碧兒,今個月28日將粉墨登場,分享現今數碼時代經營酒業新方向,以$988預購品酒套裝,就可以試到佢嘅莊園佳釀。鍾意飲酒嘅朋友記得留意喇!

美酒佳餚巡禮開啟網上大師班 廖碧兒分享經營酒業心得

美酒佳餚巡禮設綫上買酒優惠,一套7支君蒂莫斯卡托氣泡酒只售$968。

撰文: 黛安 消息特靈八卦公關
欄名: 八卦名利場