【聲明】港生活網站並無進行電話推廣活動

黛安
黛安

朗豪坊大村雪乃作品展 以貼紙拼出日本地標街景

發佈時間: 2020/11/20

朗豪坊大村雪乃作品展 以貼紙拼出日本地標街景

黛安好耐無去過旅行,好懷念話走就走嘅日子。聽公關姊妹講,朗豪坊今年聖誕會舉辦日本藝術家大村雪乃首次香港個人展覽,以新穎方式「點」亮旺角,展出港人遊日必到嘅歌舞伎町、大阪心齋橋等景點,一齊來個Stickation!

大村雪乃嘅藝術作品有別於一般用顏料或者攝影創作,而係用色彩繽紛嘅圓點貼紙,逐點拼湊出既像真又夢幻嘅街頭夜景,真係好特別。今次展覽最大嘅特色係希望畀觀眾融入作品,所以朗豪坊將佢嘅多幅作品,包括東京新宿歌舞伎町、大阪心齋橋道頓崛招牌地標等,放大展示喺4樓行人天橋,打造成打卡熱點!作品亦會放喺商場4至12樓嘅扶手電梯,配合璀璨燈飾,令大家好似置身日本街頭咁。

除咗日本夜景作品外,仲會展出大村雪乃過往以香港太平山著名夜景,及彌敦道霓虹招牌做主題嘅作品。黛安知道,佢為今次個人展覽更特別全新製作一幅以旺角繁華夜景做主題嘅作品,以超過1.7萬張圓形貼紙創作2米乘1.6米嘅大型作品,大家記得去睇下。

朗豪坊大村雪乃作品展 以貼紙拼出日本地標街景

用圓點貼紙畫拼湊出街頭夜景非常特別,黛安已約好姐妹去打卡。

撰文: 黛安 消息特靈八卦公關
欄名: 八卦名利場