特別版迷你百佳貨車 造工精緻具收藏價值

百佳模型車仔愛好者有福喇！因為名壓鑄模型車製造商Majorette同一眾供應商，將聯乘百佳超市，推出2款全新獨家48周年特別版迷你合金車。黛安知道，今次兩款車包括1︰87比例嘅百佳貨車，及1︰69比例嘅輕型貨車，設計簡單利落兼造工精緻，喺純白車身加上鮮明嘅百佳標誌，離遠睇都認到係百佳車仔。

兩款模型車製作精美且極具收藏價值，即日起至12月10日，只要喺百佳門市買滿$128，就可以$19.9優惠價換購合金車一架。如果係易賞錢會員，只需喺任何一間香港或澳門百佳超市以易賞錢積分1,000分加$9.9，就可以「換車」喇。產品數量有限，換完即止㗎，想換就要快手。