【聲明】港生活網站並無進行電話推廣活動

黛安
黛安

D‧PARK 愉景新城大型企劃「暢遊大世界」 第一站台灣

發佈時間: 2020/12/04

D‧PARK 愉景新城大型企劃「暢遊大世界」 第一站台灣

相信唔少人細個填寫我的志願時,都希望長大後可以環遊世界,但疫情下外遊變得奢侈。不過,黛安收到好姊妹報料,D‧PARK愉景新城嚟緊呢一年會推出「暢遊大世界」大型企劃,每季以唔同國家做主題,將當地文化風俗、特色美食同必買名物帶嚟香港,第一站就係台灣。黛安去過商場巡視,發現有條「十分天燈夜市」街,除咗可以見到逼真嘅十分車站,仲有超過14檔台式特色小食,沿途有近百盞天燈高掛,好似置身台灣一樣。

身為一個文青又點可以只係掛住食?當然要打下書釘啦。誠品書店「故事大飯店」香港站,就設立全港首個大型兒童繪本互動展覽。黛安聽講誠品書店今次為滿足小朋友嘅願望,特登請嚟多位重量級故事明星齊集故事大飯店,並特設5大主題房,有經典繪本角色Where's Wally、超萌卡通豬仔角色Peppa Pig、威猛又可愛嘅霸王龍、風靡親子界嘅野貓軍團等等,等小朋友可以聽足全日故事!

另外,D‧PARK愉景新城同誠品書店喺5大主題房仲布置咗打卡位畀小朋友影相。現場仲設有期間限定禮品部,有過百款精品可選購,只要出示喺展場打卡紀錄,即可享全單9折優惠;消費滿指定金額,更可獲贈高達$150誠品現金券㗎。不過呢趟旅程時間有限,活動至明年1月3日就會完結,大家快啲「飛」去睇下喇。

D‧PARK 愉景新城大型企劃「暢遊大世界」 第一站台灣

就連平日行蹤飄忽嘅Wally,今次都企定定陪小朋友影相。

撰文: 黛安 消息特靈八卦公關
欄名: 八卦名利場