7仔推5款新朱古力食品 玫瑰花形軟心蛋糕睇得又食得

黛安平時都好鍾意食朱古力，公關姊妹話，7-Eleven由今日起至22日，會以$10至$21特價推出5款新嘅朱古力食品，其中玫瑰形嘅「朱古力慕絲軟心玫瑰花形蛋糕」，口感細滑嘅朱古力慕絲外層，加埋個餡係軟心朱古力醬，味道層次分明，睇得又食得，自己食又或者送畀人都好啱！

另一款「朱古力忌廉千層蛋糕」每層都鋪咗朱古力味忌廉，忌廉同班戟皮層層緊扣，睇見都想食呀。仲有其餘3款分別用咗日本麵粉製作、混入香濃朱古力忌廉同朱古力粒嘅「朱古力忌廉包」；以朱古力味麵包同朱古力忌廉做配搭嘅「濃厚朱古力蜜瓜包」，同埋由日本直送、充滿朱古力味忌廉嘅「朱古力忌廉泡芙」，全部都係黛安嘅心水，一定要買齊嚟試下。