港鐵推限量版牛年車票套裝 大年初一可無限次搭乘

收藏開限量版車票嘅朋友留意喇，黛安知道，港鐵今個月23日將推出限量版牛年車票套裝。車票設計融合古今藝術風格，糅合中西方藝術家嘅畫作，將牛嘅形態展示出嚟。

每套車票售價$100，包括2張牛年車票、1個精美票套及8個「花開富貴」利市封，乘客大年初一憑車票可無限次搭港鐵㗎。兩張車票嘅設計分別係嚟自屢獲殊榮嘅西班牙插畫家Mar Hernández嘅當代創作，同埋現代國畫大師李可染嘅傳統畫作。

另外，「竹福」筷子連筷子托套裝亦於同日公開發售，售價$90。即日起至今個月17日，可透過MTR Mobile手機App購買，$170就可優先訂購車票及筷子套裝各一套。