黛安
黛安

青衣城益智兒童產品玩具店進駐 親子同樂

發佈時間: 2021/01/14

青衣城益智兒童產品玩具店進駐 親子同樂

相信唔少人手上嘅工作都因疫情持續而停擺,但小朋友嘅成長卻唔會因此而暫停。青衣城最近為咗全方位照顧小朋友成長需要,引入多間親子商戶組合,包括售賣具教育性嘅兒童產品及玩意商店Awesome、專售迪士尼文具精品嘅Day Day Shop等,可親子同樂,假日去選購。

行街行到攰,小朋友難免會扭計。青衣城有多間特色親子主題食店進駐,其中和風芭芙連鎖店,就有小朋友最愛嘅西樹泡芙,有唔同口味,滿足小朋友嘅好奇心。黛安身邊有唔少靚媽姊妹,當然知道同小朋友出街,最麻煩就係陪小朋友上洗手間。青衣城就好貼心,一、二期商場設親子洗手間,有成人、兒童座廁同換片床,陪子女去洗手間時就唔會論論盡盡。育嬰室仲喺換片床上加暖燈,冬天唔怕冷親寶寶,好貼心呀!

撰文: 黛安 消息特靈八卦公關
欄名: 八卦名利場