iSQUARE國際廣場舞獅賀新歲 打卡位處處

黛安收到風，尖沙咀iSQUARE國際廣場今年請咗本地著名80後書藝家賴逸橋（青山逸橋）為多款賀年祝福語題筆，配合商場布置嘅6米高立體賀歲醒獅，同埋10隻唔同造型嘅可愛小醒獅，齊齊同大家拜年！

巨型金色醒獅到時會坐鎮地下正門iPIAZZA，配合傳統中式拱門，再加上用霓虹光管照住題字；商場3樓iFUNCTION「新春醒獅鼓舞飛揚」，就掛咗18盞中式大紅燈籠；大堂樓層亦有天藍色醒獅可以打卡，夠晒新年氣氛。商場仲有新春七彩醒獅WhatsApp Sticker，【按此】就下載到喇！